من الواقع: تصحيح معتقدات خاطئة عن الطب والأطباء

من الواقع: تصحيح معتقدات خاطئة عن الطب والأطباء

ارض السلام/متابعات :

1- الطبيب اللي بيحكي لك : حالتك مش تخصصي ..  لازم تحترمه جدا لأنه وجهك في الاتجاه الصحيح ومش همه انه يأخذ منك فلوس  ويجرب عليك.

2- الطبيب اللي بيحكي لك لابد أن استشير زملائي في حالتك هذا مش معناه انه ما يفهم ؛ بالعكس هو هذا اللي بيعالجك صح لأن فيه حالات معقدة جدا في كل تخصص تحتاج اكتر من رأى (مشورة) ؛ هذا أحسن ما يعطيك علاج وخلاص زي بعض دكاترة  – للأسف – وممكن تستريح على علاجه فعلا لفترة مؤقتة بال (Placebo effect) يعني التأثير الوهمي , بس الأعراض سترد عليك مرة ثانية .

3- الأطباء الشباب يعرفوا طب كويس والله مش لازم يوصل ل 50 سنه عشان تقتنع انه يفهم وشاطر.

4- مش معنى إن دكتور مشهور أو كشفه غالي انه كويس ؛ لازم تعرف إننا في مجتمع  لا يعرف يقيم الأطباء ؛ ممكن يختار الدكتور بناء على ما يسمى بال (كاريزما) او الدعاية , لو حاب تعرف دكتور كويس في تخصص معين ممكن تسأل من تثق فيه من الأطباء (لا تسأل الناس مع احترامي لهم) .

5- العلاج لا تنطبق عليه قاعدة (الغالي ثمنه فيه) يعني ممكن علاج تكلفته رخيص و يكون هو الأنسب لحالتك .

6- العلاج مش لازم تستريح عليه في أول 24 ساعة , لابد من الصبر. ولو ما ارتحت ارجع للدكتور في الإعادة (ما تروح لدكتور ثاني على طول) ؛ لأنه غالبا سيكتب لك الأنسب , أو سيوجهك لتخصص ثاني يكون أنسب لك , ولو ما ارتحت بعد الإعادة ممكن تروح لدكتور ثاني .

7- لو ارتحت على العلاج لازم برضه ترجع للدكتور في الاعادة ؛ لأن هدا سيفيدك ويفيد الدكتور في نفس الوقت ؛ الدكتور في الإعادة ممكن يقولك على تعليمات خاصة بالوقاية (ممكن يكون نسي يخبرك بها في الكشف) , ولو مرض مزمن زي أمراض القلب مثلا سيضبط لك جرعات الأدوية اللي تستمر عليها حسب الضغط والنبض مثلا , وممكن تروح له مرة أخرى علشان يرفع جرعات العلاج اكثر – برضه حسب الضغط والنبض – (كلما  زادت الجرعة كلما استفاد القلب) . من جهة اخرى الدكتور يعرف ان العلاج الفلاني أكثر فاعلية في الحالة الفلانية , فيستخدمه مع مرضى آخرين .

8- حاول تكون مرتب الأعراض من الاقدم للأحدث كويس وحافظها ولو بتنسي ممكن تكتبها في ورقة قبل ما تروح للدكتور؛ وتمسك بالدكتور اللي بياخد التاريخ المرضى كويس (بيدي المريض وقته وبيساله عن كل الأعراض المرضية بدأت امتى وبتزيد بإيه وبتقل بإيه وبيفحص المريض) لأن هذا عليه 70% من التشخيص .

9. الطبيب اللي يتكلم على زميله امامك بسوء وينتقده عليك ان تدرك أنه يلمع حاله على حساب زميله , وان رأى خطأ من زميله عليه بتصحيحه وإرشاد المريض مستقبلا.

دمتم بخير وكان الله في العون ؛؛؛

د. عبدالله الحبيشي

طبيب اطفال